-Наместо да се гржи за јавниот ред и мир и да ја гарантира безбедноста на граѓаните, главна задача на министерството за внатрешни работи стана прикривањето на убиства и криминал. Министерството за внатрешни работи наместо да се бори со криминалот и корупцијата, стана институција која служи за собирање изнуда, поткуп и заштита на криминалот. Откако министерот Спсовски започна да раководи со Mинистерството за внатрешни работи граѓаните секојдневно се жртви на грабежи, обиди за убиства, убиства, рекетирања и насилства кои минуваат неказнето. Дека Министерството за внатрешни работи не си ја врши работата како што треба говори и истражувањето на Евробарометар објавено на 12-ти септември каде што е наведено дека доверба во полицијата имаат само 34 % од граѓаните, додека 61% од граѓаните немаат доверба во полицијата. Непрофесионално работење на МВР се одрзи и со зголемување на корупција во државата. Наместо борба против корупцијата имаме огромно зголемување на корупцијата што резултираше Република Македонија да се најде на дното на листата на Транспаренси, рече Мицевски.
ВМРО ДПМНЕ најави интерпелација за Спасовски-не се споменува бегството на Груевски
0
ВМРО ДПМНЕ ќе поднесе интерпелација за министерот за внатрешни работи Оливер Спасовски. Во опозициската партија очекуваат за неа да се расправа во средината на јануари, изјави координаторот на пратеничката група на ВМРО ДПМНЕ Никола Мицевски.
Во интерпелацијата се наведува дека Спасовски во изминатиот период „функцијата ја извршувал крајно несовесно, нестручно, селективно и по насока на врвот на неговата партија, а спротивно на Уставот и законите во РМ“.
На забелешка од новинарите дека меѓу причините за интерпелацијата не е споменато бегството на екс премиерот и почесен претседател на партијата Никола Груевски, Мицевски кажа дека за вакво крупно прашање ќе ги почекаат извештаите од институциите.