Актуелниот градоначалник на Кавадрци, Митко Јанчев ќе бара уште еден мандат од граѓаните како кандидат на ВМРО – ДПМНЕ. Иако изминатиот период имаше несогласувања со раководството, сепак партијата реши повторно да го кандидира.
– Предлогот за господинот Јанчев е барање токму и на мнозинството на жителите на Кавадарци, рече Антонијо Милошоски од ВМРО – ДПМНЕ кој ги промовираше кандидатите за градоначалници.
Јован Тозиевски ќе биде кандидат за градоначалник на Општина Ресен, предоложен ид ВМРО – ДПМНЕ и коалициските партнери. Тој бил во два мандати член на општинскиот Совет.
Кандидат за градоначалник на Општина Крушево партијата ја предложи Билјана Проеска. Таа е професрока по македонски јазик во гимназијата во Крушево.
Кандидат за градоначалник за општина Делчево е Николчо Стојменовски. Тој е доктор по ветеринарна медицина.
Кандидат за градоначалник на општина Ранковце е Борче Спасовски. Тој се занимава со трговија и е мал стопансвеник.
Кандидат за градоначалник на општина Ново Село е Ѓорѓе Божинов. Тој е дипломиран економист, моментално е вработен во приватна градежна компанија како Извршен Менaџер.
Кандидат за градоначалник на општина Василево е Славе Андонов, кој е дипломиран правник.
Кандидат за градоначалник на општина Дебарца е Сашо Силјаноски. Тој е дипломиран шумарски инженер вработен во министерство за земјоделство, шумарство и водостопанство.
Кандидат за градоначалник на општина Зрновце е Борчо Коцев. Тој магистрирал на Факултетот за Безбедност. Има партиски мандат во општинскиот комитет во Зрновци
Кандидат за градоначалник на општина Кратово, Тодорчо Николовски предложен од Социјалистичката партија. Тој е дипломиран правник со положен правосуден испит, а од 2012 година во општина Кратово.
– Би сакал на сите да им честитам, да им посакам фер плеј и успешна кампања и се разбира успешен и победнички резултат на изборите, изјави Милошоски.
За општините Аеродром, Карпош и Битола во ВМРО – ДПМНЕ сè уште има внатрепартиски консултации.
ВМРО-ДПМНЕ ја поддржа Данела Арсовска како натпартиски кандидат