Дејвид Бекам ќе добие статуа пред стадионот на Лос Анџелес Галакси на втори март. Ова го најави Брендан Ханан, портпарол на клубот, и ќе се случи пред почетокот на новата сезона во МЛС лигата. Поранешниот англиски репрезентативец ќе биде првиот фудбалер на кој му се укажува таква чест. Единствен сличен случај имаше во Далас каде пред стадионот „Тојота“ беше откриен споменик на починатиот сопственик на клубот, Ламар Хант.

Бекам потпиша за галакси во 2007 година и освои две шампионски титули со клубот во кој мина шест сезони. Во тоа време беше прва европска ѕвезда што направи трансфер во американската фудбалска лига со што ги отвори вратите за негови колеги што подоцна ја продолжија кариерата во САД како Златан Ибрахимовиќ, Андреа Пирло, Кака, Марко ди Вајо, Џовинко, итн.

На церемонијата е најавено присуство и на Дејвид Бекам кој ќе биде и во свечената ложа на натпреварот меѓу Лос Анџелес Галакси и Чикаго Фајр во воведното коло од новата сезона.