Во Израел се истражуваат евентуални злоупотреби со софтверот „Пегаз“

Израел формираше тим за истрага на наводната злоупотреба на израелскиот шпионски софтвер „Пегаз“ на глобално ниво. Тимот, предводен од Советот за национална безбедност, му поднесува извештаи на премиерот Нафтали Бенет и има поширок спектар на експертиза од Министерството за одбрана, кое го надгледува извозот на софтверот Пегаз од страна на компанијата НСО.

Францускиот премиер Жан Кастекс претходно денеска изјави дека францускиот претседател Емануел Макрон побарал серија истраги за случајот со шпионскиот софтвер „Пегаз“, откако телефонскиот број на Макрон се најде на списокот на потенцијални цели за можна шпионажа во корист на Мароко.