Приштина: Помошник директор на српската Канцеларија за Косово и Метохија, Игор Поповиќ, синоќа бил приведен од страна на косовската полиција.
Поповиќ присуствувал на одбележувањето на страдањето на Србите „од рацете на криминалната ОВК“ во регионот Ораховац, соопшти Канцеларијата за Косово.
Директорот на Канцеларијата за Косово и Метохија, Петар Петковиќ, веднаш го информираше Брисел за апсењето на неговиот соработник и побарал негово итно ослободување, се наведува во соопштението.
„Поповиќ беше приведен поради неговата изјава само затоа што ги нарече со нивното вистинско име оние што убија 47 Срби и Роми и киднапираа повеќе од сто невини луѓе во текот на јули 1998 година. Во исто време, пироманот Курти сака да предизвика нова криза на терен и да им испрати порака на Србите дека за нив нема ниту мир ниту правда“, стои во соопштението на српската канцеларија во Приштина.