„Во одбраната и Армијата нема место за политика, затоа што сите сме застанати зад едно знаме“, посочи министерката за одбрана Славјанка Петровска и побара поранешните и активните генерали да се вклучат во процесот на трансформација на системот за одбрана, кој продолжува и по членството во НАТО, за зајакнување на капацитетите и способностит.
„Се заложив поранешните началници на генералштабот и членовите на клубот на генерали активно да се вклучат во новите студиски програми на Воената академија и се разбира, во сите форми на едукација на командата за обука и доктрини. Заедничката цел е преку широки консултации да продолжиме со процесот на трансформација и по членството во НАТО, а тоа да го направиме посветено и транспарентно“, рече Петровска.
Како што вели таа треба да се ангажираат капацитетите на целото општество, затоа што има една заедничка цел и заедничката визија за сите нас, а тоа е Република Северна Македонија да биде почитуван и ценет сојузник, столб на регионалната безбедност.