Министрите за надворешни работи на четирите земји ќе одржат „длабински дискусии за низа прашања, вклучително и напори за деескалација на тензиите во регионот“ за време на дводневните разговори.
Пакистан ќе биде домаќин на Саудиска Арабија, Турција и Египет на разговори за војната во Иран што почнуваат утре, бидејќи Исламабад се позиционира како потенцијално место за американско-ирански разговори за конфликтот, објави Ројтерс.
Министрите за надворешни работи на четирите земји ќе одржат „длабински дискусии за низа прашања, вклучително и напори за деескалација на тензиите во регионот“ за време на дводневните разговори, соопшти Министерството за надворешни работи на Пакистан во саботата.
Турскиот министер за надворешни работи Хакан Фидан рече дека состанокот ќе има за цел да воспостави механизам насочен кон деескалација.
-Ќе разговараме каде се движат преговорите во оваа војна и како овие четири земји ја проценуваат ситуацијата и што може да се направи – изјави тој за телевизијата А Хабер доцна во петокот.
Четирите земји се вклучени во обид да посредуваат меѓу Вашингтон и Техеран во војната што САД и Израел ја започнаа на 28 февруари, и сите се многу ранливи на закани за снабдувањето со енергија и трговските патишта. Пакистан како посредник
Пакистан го пренесе американскиот предлог до Техеран за завршување на војната и понуди да биде домаќин на разговорите, додека иранските претставници посочија дека разговорите би можеле да се одржат во Пакистан или Турција.
Американскиот претседател Доналд Трамп изјави дека разговорите со Иран одат „многу добро“, но Техеран негира дека води разговори со Вашингтон.
Иран го разгледува американскиот предлог од 15 точки, иако еден функционер го отфрли како „едностран и неправеден“. Неговите барања се движат од демонтирање на нуклеарната програма на Иран до ограничување на развојот на ракети и предавање на контролата врз Ормутскиот теснец, според извори и извештаи.
Турскиот премиер Фидан изјави на конференција во Истанбул во саботата дека новиот „полицентричен систем“ во светот бара решение за заштита на виталните енергетски и трговски патишта. Тој рече дека целта на турскиот дијалог на високо ниво е брзо да се исцртаат „ефикасни чекори“ за завршување на војната пред да се случи понатамошно уништување на регионот и глобалната економија.