Повеќе илјадници противници на абортусот се собраа во неколку градови во Романија и соседната Молдавија на собирот наречен „Марш за живот“.
Седмиот по ред марш во организација на здружението „Студенти за живот“ оваа година го носеше името „Помогни и на мајката и детето, тие зависат од тебе“, наведуваат организаторите и додаваат дека собири се одржани во повеќе градови.
Во Букурешт се собраа околу 2.000 луѓе, меѓу кои млади, родители со деца, како и претставници на влијателната Романска православна црква која ги поддржува овие собири.
Абортусот беше забранет за време на режимот на комунистичкиот диктатор Николае Чаушески од 1966. до 1989. година и тогаш многу жени се одлучуваат на илегален прекин на бременоста.
Од воведувањето на законот со кој абортусот се дозволува во Романија во 1990. година, забележани се многу прекини на бременост во таа земја членка на Европската Унија.