Лидерот на ВМРО-ДПМНЕ Никола Груевски, денеска наместо во Собранието каде што продолжува конститутивната седница и треба да се избере претседател на Комисијата за избори и именувања и претседател на Собранието е на пат во Истанбул.
Слегувањето на Груевски од авионот на „Туркиш ерлајнс“ го снимила екипата на емисијата „360 степени“.
Од партијата засега не соопштуваат од која причина Груевски е во Истанбул.
Од СДСМ велат дека првата работа која пратениците од редовите на ВМРО-ДПМНЕ треба да ја направат на денешната седница е да им објаснат на граѓаните зошто Никола Груевски не е во Собранието и ја напушти државата.
„Со денешното бегство од Македонија, Никола Груевски уште еднаш докажа дека не го интересира државата, туку единствено му е важно да избега од одговорност. На денот кога Македонија треба да добие нов претседател на Собранието, Груевски ја напушти државата покажувајќи дека државните интереси му се апсолутно небитни“, велат од СДСМ.
https://www.facebook.com/360stepeni/videos/1011828245618039/