Дваесет Срби денес беа уапсени во Црна Гора за тероризам бидејќи се обидувале да прават напади врз државата и нејзините претставници, изјави шефот на полицијата без да даде повеќе детали.
Изјава на Тамара Поповиќ, портпаролка на полицијата за апсењето на групата.
Во Црна Гора денес се одржуваа парламентарни избор во тензична атмосфера и вербални конфликти помеѓу поддржувачите на премиерот Мило Ѓукановиќ, кој е на власт веќе четврина век, и опозицијата која меѓу другото го критикува поради влезот на Црна Гора во НАТО.
“Постои основано сомнение дека на почетокот на октомври во Србија и Црна Гора е формирана криминална организација со цел да влијае на законодавната и извршната власт во Црна Гора. Постои сомневање дека планот на оваа организација е во текот на прогласувањето на изборните резултати со употреба на оружје, да ги нападнат граѓаните собрани пред Собранието на Црна Гора и службениците да полицијата и потоа да го завземат Собранието со намера да прогласат изборна победа на некои политички партии”, вели соопштението на обвинителството.
“Исто така посто сомнение дека планот на криминалната организација бил да го лиши од слобода премиерот на Црна Гора”, вели соопштението.
Српскиот премиер Александар Вучиќ денес изјави дека нема информации за ова апсење. Но, тој смета дека е “чудно што тоа се случува токму денес и тоа е се што можам да кажам”, рече Вучиќ.
Односите помеѓу Белград и Подгорица од време на време се тензични откако Црна Гора прогласи независност во 2006 година. Земјата исто така го призна Косов во 2008 година што предизвика големо разочарување во Србија кога, меѓу другото, не сака да стане членка на НАТО.
Славко Стојановиќ, шеф на црногорската полиција, изјави дека лицата биле уапсени во ноќта пред изборите а полицијата трага по уште едно лице.
Овие лица “ се осомничени дека стасале во Црна Гора со намера да земат оружје и извршат напади во ноќта по изборите против институциите, полицијата и претставниците на државните органи. Ние не исклучуваме ниту напади врз високи функционери на државата”, вели соопштението на полицијата.