Манчестер сити го понижи Вотфорд со 8:0 на стадионот „Етихад“ во рамки на шестото коло во англиската Премиерлига и на најдобар можен начин се искупи пред своите гледачи за неочекуваниот пораз од Норич (2:3) во минатиот викенд.
„Граѓаните“ влегоа во историјата на натпреварувањето како први што успеале да постигнат пет гола во само 19 минути. Хет-трик прослави Бернардо Силва во 15. минута, во 48. минута и во 60. минута, по еднаш во листата на стрелци се впишаа и Давид Силва (1’), Серхио Агеро (7’ од пенал), Ријад Марез (12’), Никола Отаменди (18’) и Кевин де Брујне (85’).
https://www.youtube.com/watch?v=ZGI1a9HU90k
Вотфорд и покрај осумте примени гола, можеше да го напишти „Етихад“ и со поголем товар. Фудбалерите на Пеп Гвардиола трипати погодуваа статива или пречка и имаа уште десетина зицери што не ги реализираа.
Изненадување приреди Шафилд јунајтед со гостинскиот триумф кај Евертон со 2:0, резултат со кој и Барнли освои три бода пред своите навивачи во дуелот со Норич. Лестер, пак, во првиот меч од денешната понуда на Премиерлигата го совлада Тотенхем со 2:1 со пресврт во второто полувреме.
Премиерлига, 6 коло
Манчестер сити – Вотфорд 8:0
Евертон – Шефилд јунајтед 0:2
Барнли – Норич 2:0
Лестер – Тотенхем 2:1
Њукасл – Брајтон (сабота, 18.30 ч.)
Кристал Палас – Вулверхемптон (недела, 15 ч.)
Вест Хем – Манчестер јунајтед (недела, 15 ч.)
Арсенал – Астон Вила (недела, 17.30 ч.)
Челзи – Ливерпул (недела, 17.30 ч.)