Каролине Вознијацки е победничка на ВТА шампионатот во Сингапур и по вторпат во кариерата го освојува завршниот турнир на осумтте најдобри тенисерки во сезоната. До подвиг како последнорангирана во ова друштво данската тенисерка стаса со победа од 6:4, 6:4 во финалниот меч со Венус Вилијамс.

Ова за Вознијацки е прв триумф на овој турнир откако финалистка беше и во 2010 година. Нејзината ривалка во финалето Венус Вилијамс остана со една титула од 2008 година и ова и беше втор пораз во финалето по 2009 година.

Ветеранката Вилијамс направи подвиг со самиот пласман во финалето, но во битката за трофејот немаше сили за да се спротивстави на расположената данска тенисерка. Вилијамс самата е виновна за поразот во првиот сет (3-6) во кој направи 12 неизнудени грешки наспроти само три на Вознијацки. Охрабрена од почетното водство, Данката целосно доминираше во вториот сет, експресно поведувајќи со 5-0, но Венус покажа фантастичен карактер намалувајќи на 5-4. Американката дури и сервираше за израмнување, но Вознијацки се разбуди во последен момент и стигна до заслужената победа, откако прикажа најмногу на теренот во Сингапур во изминатата седмица.

Покрај пехарот и значителната парична награда, Вознијацки со овој успех си обезбеди и скок на третото место на ВТА-листата, зад Халеп и Мугуруза.

https://www.facebook.com/WTA/videos/10156693372171102/