Езџан Алиоски (25) почна со „исплата“ на довербата за трансферот во Лидс уште во дебитансткиот настап. „Пауните“ од „Иланд роуд“ загубија од Еибар со 2:4 во пријателски меч во Австрија, а популарниот Џани се впиша во листата на стрелци во 74 минута во мечот во кој во игра влезе на почетокот на второто полувреме.
Македонскиот репрезентативец од овој месец е член на Лидс јунајтед. Со тимот од западен Јоркшир потпиша четиригодишен договор и веднаш се приклучи на подготовките за новата сезона за која верува дека ќе биде од помош за остварување на основната амбиција во англискиот Чемпионшип – враќање во Премиерлигата.
Алиоски му пристапи на Лидс од Лугано. Во швајцарскиот суперлигаш мина две сезони, првата (2015/16) како позајмен играч од Шафхаузен, а втората со откупен договор и во вкупно 50 одиграни натпревари постигна 19 гола. За македонската сениорска репрезентација дебитира во септември во 2013 година и од тогаш одигра 13 натпревари во кои постигна и еден погодок.
Дебитантскиот гол на Алиоски за Лидс јунајтед е на 1,01 минута
https://www.youtube.com/watch?v=gcbABuy49pM