Meѓународната федерација на новинари, изрази загриженост за состојбата во која се наоѓаат новинарите во Авганистан откако со земјата завладеа Талибанскиот режим. Шефот на Меѓународната федерација на новинари Ентони Беланџер, вели дека „иднината е црна“ за 1.300 новинари кои се уште се во земјата.
– Новинарството во Авганистан е во опасност да исчезне. Новинарите кои се обидуваат да продолжат да работат за време на талибанскиот режим, се подложени на тепање и затворање, изјави Беланџер за британскиот весник „Гардијан“.
-Талибанците не сакаат да направат премногу бранови во моментов, но тие ќе сакаат да ја преземат контролата врз се, вклучително и врз странскиот печат во Авганистан“,рече тој.
– И како што често се случува во такви ситуации, странските новинари ќе се сметаат за агенти на странски влади, дополни шефот на Меѓународната федерација на новинари..
Меѓународната Федерација на новинари како и Обединетите нации деновиве документираа два случаи на претепување новинари кои известувале од протестите на жените во Кабул. ОН велат дека талибанското насилство врз новинарите се зголемува.