Едно место во сингл и пет во дубл назадуваше Лина Ѓорческа на најновата ВТА ранг листа објавена денеска. Првиот македонски тениски рекет е на 260 позиција (201 бод) во поединечна конкуренција и на 266. во двојки (258 бода).
Романката Симона Халеп останува водечка кај дамите со 6,175 бода пред Гарбиње Мугуруза од Шпанија со 6,135 бода. Зад нив е Каролина Возњацки која напредуваше за три позиции, и по, речиси, шест години повторно е дел од најдобрата тројка со 6,015 бода благодарение на триумфот на завршниот Мастерс во Сингапур.
Рафаел Надал, речиси сто отсто, ќе заврши како најдобар светски тенисер за 2017 година. Тој го презеде тронот, откако Роџер Федерер реши да се повлече од Мастерсот во Париз, па сега му е потребна само една победа во француската престолнина за потврда на лидерската позиција на крајот на сезоната. Швајцарецот, пак, ја образложи одлуката за отсуство во Париз поради проблеми со грбот и ќе паузира една седмица до настапот на завршниот Мастерс во „О2 арена“ во Лондон.
ВТА листа – топ 10
Симона Халеп (Романија) 6,175 бода
Гарбиње Мугуруза (Шпанија) 6,135
Каролина Возњацки (Данска) 6,015
Каролина Плишкова (Чешка) 5,730
Венус Вилијамс (САД) 5,597
Елина Свитолина (Украина) 5,500
Јелена Остапенко (Летонија) 5,010
Каролине Гарсија (Франција) 4,420
Џоана Конта (В. Британија) 3,610
Кристина Младеновиќ (Франција) 2,885, итн.
АТП листа – топ 10
Рафаел Надал (Шпанија) 10,465 бода
Роџер Федерер (Швајцарија) 9,005
Александар Зверев (Германија) 4,400
Доминик Тим (Австрија) 3,725
Марин Чилиќ (Хрватска) 3,625
Григор Димитров (Бугарија) 3,560
Стен Вавринка (Швајцарија) 3,150
Давид Гофан (Белгија) 2,885
Пабло Карено Буста (Шпанија) 2,605
Новак Ѓоковиќ (Србија) 2,585; итн.