Симона Халеп е победничка на ВТА турнирот од категоријата Премиер 5 во Монтреал што се играше за награден фонд од 2,820.000 милиони долари. Романката во финалето, по два часа и 39 минута игра, славеше над Слоун Стивенс од САД со 7:6, 3:6, 6:4 за втора титула во кариерата на Роџерс купот.
Најголема драма донесе воведниот сет во кој обете тенисерки освоија вкупно шест гема на противнички сервис. Одлуката кому ќе припадне падна во тај брејк пришто подобро се снајде моментно водечката на ВТА ранг листата.
Во ист стил почна и наредниот. И Халеп и Стивенс направија брејкови по што следуваше уште еден за предност на американската тенисерка која умееше да ја сочува до крај за израмнување на 1:1.
Финалистките демонстираа несигурност и во последниот сет. Халеп поведе со 5:2, но наместо да ја доврши работата, таа и дозволи на Американката да се доближи на 5:4. Но, подоцна се покажа дека третата светска тенисерка нема сили за комплетен пресврт, па Романката „се прибра“ во десеттиот гем и за сигурно приоведување на финалето до крај.
ВТА Монтреал/награден фонд 2,820.000 милиони долари
Финале: Халеп (1., Романија) – Стивенс (3., САД) 7:6, 3:6, 6:4