НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Вухан: Враќањето на животот во нормала во сенка на недоверба меѓу луѓето

0
By Нова ТВ on April 1, 2020 ВЕСТИ
Фото: irishtimes.com/Reuters/China Daily
СПОДЕЛИ
Facebook Twitter LinkedIn Email

Милионската метропола во централна Кина, каде прво се појави новиот коронавирус, постепено се враќа кон нормалното секојдневие. Во изминатата недела владата во Пекинг најави крај на масивните ограничувања на слободата на движење во Вухан. Градските автобуси повторно сообраќаат, како и шест од вкупно девет линии на подземната железница.

По повеќе од двомесечната забрана за движење, враќањето на нормалниот тек за многу граѓани нема да биде едноставно, вели Бен за „Дојче Веле“ (ДВ). Тој живее во станбена населба и се занимава со недвижности. Вели оти ќе му биде потребно уште време, пред повторно да почне да се чувствува добро меѓу луѓе.

Бен, исто така, е скептичен кога станува збор за поимот „победа“ над коронавирусот.

„Порано, за време на викендите, со задоволство одев со пријателите во кино или на некои други настани. Но, додека епидемијата не помине во целост, подобро ќе останам дома“, истакна тој.

„Луѓето сами се снаоѓаа“

Бен и неговиот сограѓанин Ерик (никој од нив не сакаше да го открие вистинскиот идентитет) со мешани чувства прават биланс за дејствувањето на владата и на државните служби во кризата.

„Изолацијата и забраната на движењето беа неопходни мерки за сузбивање на епидемијата. Но, централната влада во Пекинг не разви механизам со кој на граѓаниите ќе им овозможеше да ги задоволат своите основни потреби во оваа екстремна ситуација. Луѓето мораа сами да се снаоѓаат“, нагласи Бен.

Ерик, пак, вели дека сè уште се сеќава на очајот на семејствата чии членови поради лекувањето беа раздвоени според симптомите и староста.

„Владата од самиот почеток ги запостави правата на граѓаните на Вухан“, вели овој инженер и семеен човек за ДВ.

Од друга страна, кинеската власт во сузбивањето на епидемијата консеквентно се потпирала на жителите на одредени градски населби.

„Беа мобилизирани доброволци и локални државни службеници за телефонски да контролираат дали домаќинствата се придржуваат кон мерките за забрана на движењето. Тие извршуваа набавки на секојдневно потребните намирници за семејствата. Тие нè држеа за време на епидемијата“, вели Ерик.

Не е време за „победничко славје“

Од почетокот на март, раководството во Пекинг ја прогласи својата победа над вирусот. Но, за граѓаните на Вухан има многу поважни работи од победничката прослава.

„Не сакам да слушам за „големата победа“ на владата над коронавирусот. Сега треба да размислиме за грешките што ги направи владата во последните два и пол месеци, за причините за избувнување на епидемијата, односно да се испита пандемијата и да се обидеме да најдеме подобар начин на превенција“, вели Бен.

Во последните неколку дена, во провинцијата Хубеи, во која се наоѓа Вухан. не е официјално регистрирана нова инфекција од коронавирусот. Граѓаните, пак, се прашуваат дали ова одговара на реалната слика. Ерик предупредува дека на почетокот на епидемијата, болниците во Вухан честопати не ги тестирале и лекувале пациентите и покрај симптомите, што пак довело до многу смртни случаи. На крајот, ваквите случаи не влегоа ниту во статистиката на починати од ковид-19.

Колку се веродостојни официјалните бројки?

„Мнозинството луѓе од Вухан, па дури и членови на владеачките структури, не веруваат во официјалните бројки“, вели Ерик.

И тој и многу негови познаници се убедени дека не се пријавуваат нови случаи на заразени, бидејќи владата ќе мора да објасни зошто и даде зелено светло на економијата. Во Вухан сè уште има нови извештаи за инфекции, а меѓу нив има и пациенти кои биле тестирани позитивно и по напуштањето на болницата.

Но, многу нешта зависат од веродостојноста на официјалните бројки, и тоа не само кредибилитетот на владата во Пекинг. На луѓето им се потребни вистински информации за да можат да ги проценат ризиците. Што ако дојде до повторно избувнување на епидемија од вирусот во Вухан? – Тоа прашање вознемирува многумина, додека владата притиска да се вратиме на работните места.

Вухан живот Карантин Кина Коронавирус недоверба Нормала Пандемија
Share. Facebook Twitter LinkedIn Email
ТИКЕР

Волстрит џурнал: Пентагон не и дава на Украина да користи оружје со долг дострел против Русија

August 24, 2025

Норвешка ќе и испорача на Украина ПВО системи во вредност од скоро 700 милиони долари

August 24, 2025

Трета недела по ред доларот лизга удолу

August 24, 2025

Нови собири низ Србија на „Граѓани против блокадите“

August 24, 2025

Железничкиот сообраќај во Црна Гора во прекин поради штрајк на диспечерите

August 23, 2025
ФОКУС

Кијив денешниот ден го прогласи за Ден на жалост – Украина денеска ја одбележува својата независност

ВЕСТИ August 24, 2025

Главниот украински град го прогласи 25 април за ден на жалост за 12-те лица убиени…

Украински напад со беспилотни летала врз Санкт Петербург

August 24, 2025

Пекинг: Кина е подготвена да испрати војници во Украина, но само под мандат на ОН

August 24, 2025

Нетанјаху: Израел ќе ја освои Газа без разлика дали Хамас ќе ги ослободи заложниците

August 21, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.