Published: Saturday, May 27, 2017 01:38
Ручек за новинари честеше Антонио Конте како гест за извинување за неговите доцнења на прес-конференциите низ целата сезона. Менаџерот на Челзи го стори тоа по брифингот со претставници на седмата сила за денешното финале во англискиот ФА куп против Арсенал.
Во неформалното дружење со новинарите, Италијанецот, меѓудругото, изразил задоволство од животот во Лондон и открил дека планира да го повлече и семејството во летниот период.
Обврските, сепак, не му дозволија да седи премногу во ресторанот во непосредна близина на „Стемфорд бриџ“. Набрзо го напуштил објектот и се повлекол на подготовки на екипата за дуелот со „топчиите“ на Арсен Венгер попладнево (18,30 ч.) на „Вембли“.