„Споменувајќи го случајот „Рекет“, споменувајќи го случајот „Поткуп“, сето тоа што го знаеме во тој период за да се блокира законот за Јавно Обвинителство, беше поради случајот „Империја“. За пусти пари и сега веќе согледавме дека се работи за добро осмислен поткуп, организиран и поддржан од господинот Мицкоски да се спроведе преку Орце Камчев, Зоран Кическиот, Катица Јанева, Боки-13. Се работело само за пусти пари, за финансирање на кампањата, за парите за партијата и слично. Затоа не може Мицкоски да држи предавање за правда и право. Тие ги поставија судиите во нивно време и сето било за пари. Какво право, каква држава. Единствените идеали на ВМРО-ДПМНЕ им остануваат парите, власта, моќта, ниту до народот им е, ниту до татковината“, рече Зоран Заев во телевизискиот дуел со Христијан Мицкоски на телевизија 24.

„Не можете да го спасите Орце Камчев од случајот „Империја“, колку и пари да сте земале, колку и да сте должни. Тоа треба да го знаете. Секој ќе одговара во оваа држава, како сака нека се вика. Со ваш глас комплетно сте благодарен што ви дава пари, дека ви ја финансира кампањата, дека ви простил пари. Тоа го има во извештаите од претседателските избори. Како тоа повеќе од 400.000 евра се директно влезени во ВМРО- ДПМНЕ“, нагласи Заев и го праша дали и маичките за оваа кампања повторно се платени од Орце Камчев или, како што додаде, парите се можеби од Никола Груевски.

За парите за ВМРО-ДПМНЕ од Орце Камчев и од Сашо Мијалков, Заев рече дека се нелегални и никаде не се пријавени,

„Христијан Мицкоски тврдеше дека ако на некој начин бил инволвиран во случајот „Рекет“ не морало да му се поднесува кривична пријава, туку сам ќе се пријавел во Шутка. Еве сега имаме докази дека се познавал со Кичеец, а тврдеше во јавноста дека не се познавале. Исто така Мицкоски тврдеше дека не земал пари, ама еве сега земал пари и од Камчев и од Мијалков. Значи лага до лага. Сега ми е се појасно, Мицкоски имал тесна соработка и со Кичеец и со Камчев, и со Мијалков“, истакна Заев во ТВ дуелот.
Заев ги покажа ревизорските извештаи во кои никаде не се наведени имињата на Камчев и на Мијалков дека дале пари во партијата, со што, како што потенцира, се потврдило дека нивните пари се нелегални, а ВМРО ДПМНЕ, иако има обврска, никаде не ги пријавила.
„Еве, ова во раката ми се финансиските извештаи на партиите. Никаде ги нема парите за кои Мицкоски самиот си потврдува дека ги зел. Зел и од Камчев, зел и од Мијалков, значи тие се тајните финансиери на партијата, но со какви пари? – Парите никаде не се пријавени. И сега демагогии за правна држава ќе продавате? – Каква правда, какво право, вие знаете само за власт, моќ и пари“, му рече Заев на Мицкоски.
Претседателот на СДСМ истакна дека „трети луѓе може да кажат за Заев што сакаат“, но на Мицкоски му порача „твојот глас го слушаме, ти зборуваш за заштита на криминалците, комплето се бориш за предметите да не дојдат до заршница. Спомена и за закани до пратениците да не гласаат за Законот за Јавно Обвинителство, за да не дојде двотретинско мнозинство, што беше услов од Европската Унија за враќање на правната држава.