На денешната прва седница на новата Влада, премиерот Зоран Заев определи петмина потпретседатели на Владата:
–Радмила Шекеринска Јанковска, за заменичка на претседателот на Владата и министерка за одбрана
–Оливер Спасовски, за заменик на претседателот на Владата и министер за внатрешни работи
–Бујар Османи, министер без ресор, за заменик на претседателот на Владата, задолжен за европски прашања
–Кочо Анѓушев, министер без ресор, за заменик на претседателот на Владата, задолжен за економски прашања и за координација со економските ресори
–Хазби Лика, министер без ресор, за заменик на претседателот на Владата, задолжен за спроведување на Рамковниот договор и политички систем.
На седницата се определени и задолженијата на министрите без ресор:
–Роберт Поповски, задолжен за комуникации, отчетност и транспарентност
–Едмонд Адеми, задолжен за дијаспора
–Андан Ќахил, задолжен за странски инвестиции
–Самка Ибраимовски, задолжен за имплементација на Стратегијата за подобрување на состојбата на Ромите во Република Македонија
–Зоран Шапуриќ, задолжен за регулатива за подобрување на инвестициската клима за домашните претпријатија
–Зорица Апостоловска, задолжена за странски инвестиции
–Рамиз Мерко, задолжен за странски инвестиции.
За генерален секретар на Владата на Република Македонија е именуван Драги Рашковски.
Исто така формирани се и основните комисии на Владата, а формиран е и Управувачкиот комитет за координација и управување во системот за управување со кризи, со кого ќе раководи Оливер Спасовски.
За шеф на кабинетот на премиерот Зоран Заев е назначена Мирјана Јанева. Таа доаѓа од Општина Струмица и важи за близок човек на премиерот Заев.