Во Кривичниот суд во Скопје денеска треба да се одржат рочишта за „Труст“, „Шпион“ и „Транспортер“ кои се предмети на Специјалното јавно обвинителство.
Судењето за предметот „Труст“ минатата недела беше одложено поради влошената здравствена состојба на второобвинетиот во случајот Василије Авировиќ. Првоосомничен во „Труст“ е бизнисменот Сеад Кочан и уште две физички и три правни лица, меѓу кои управителите на фирмите „Трансмет“, „Силекс“ и „Вато“ ДООЕЛ за учество во тендер на Електрани Македонија. Според обвинението на СЈО осомничените со фалсификувани документи местеле тендери во ЕЛЕМ во вредност од 17 милиони евра.
Во предметот „Шпион“ меѓу обвинетите 18 лица се и поранешниот полициски генерал Горан Стојков, поранешниот директор на Управата за спречување на пари и корупција Ване Цветанов и поранешниот висок функционер во Управата за контраразузнавање Александар Диневски. Последното рочиште беше закажано минатиот месец но беше одложено поради неприсуство на Маријан Ефремов, кој е еден од осудените.
За предметот „Транспортер“ закажани се две рочишта оваа недела, првото денеска и другото во четврток. Обвинети се поранешниот битолскиот градоначалник Владимир Талески и уште 20-тина лица за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.