Пред Обвинителството започна протестниот „Марш за ангелите“ организиран од страна на семејствата на настраданите во дискотеката во Кочани.
Оттука толпата ќе се упати кон плоштад Македонија и ќе заврши пред Собранието.
Маршот започна во 12 часот и 5 минути што симболично ја означува задоцнетата реакција на институциите.
Ова е прв марш кој што семејствата го организираат во Скопје и ги повикаа сите граѓани да им се придружат.
Вчера Универзитетското студентско собрание ги повика студентите да се приклучат и да ја дадат поддршката со учество на маршот.
Апел за учество како за студентите така и за средношолците испрати Студентското пленумско движење орхабрувајќи ги да ја напуштат наставата и да се приклучат на протестниот марш.
А, пак од Обвинителството упатија повик до семејствата на настраданите доколку сакаат подетално да се запознаат со сите аспекти од истражната постапка, во текот на денешниот ден да остварат средба со јавниот обвинител и со обвинителите кои постапуваат по предметите.
Од партијата Левица предложија мајките денеска да приуствуваат на интерпелацијата на Тошковски во Собранието.
Зошто денес да не ги пуштиме мајките на загинатите деца од Кочани кои протестираат во Скопје, во живо да ја следат интерпелацијата на министерот за внатрешни работи, Тошковски, (кој го посочуваат за селективна истрага)?, вели Апасиев.