Тој патуваше сам и седеше до прозорецот. Веројатно ја потпрел главата на прозорецот и ги затворил очите, поради што сите мислеле дека спие, изјавиле од полицијата.

Посадата на патнички авион кој летал на релација од Истанбул до Хамбург при слетувањето забележала дека еден од патниците починал, а за кој подоцна било утврдено дека бил заразен со ковид-19.

По слетувањето на аеродромот во Хамбург, откако сите патници го напуштиле авионот, еден патник останал на своето место, па, според пишувањето на весникот „Велт“, посадата дури тогаш забележала дека тој е починат.

Станува збор за 51-годишен патник кој самостојно влегол во авионот за Истанбул и седнал на своето место во авионот.

Според медиумите, тој имал и други хронични заболувања, а во текот на летот никој не забележал дека починал.

– Тој патуваше сам и седеше до прозорецот. Веројатно ја потпрел главата на прозорецот и ги затворил очите, поради што сите мислеле дека спие, изјавиле од полицијата.

Патникот имал акутна инфекција на коронавирус, па германските власти ги тестирале сите луѓе кои биле во контакт со починатиот.

Инаку, оваа случка е од 25 октомври, но таа дури сега се објавува во јавноста.