Денеска со почеток во 12 часот во „Сити Хол Центар“, во рамки на објектот на МКЦ во Скопје, здружението „Достоинство“ постхумно ќе додели признанија на четворицата починати армиски и полициски генерали, Панде Петровски, Ристо Галевски, Јосип Бошевски и Атанас Јовчески за покажана лична храброст, самопрегор и извонредни успеси во организирање и командување со безбедносните сили при одбраната на татковината во 2001 година.
На церемонијата, покрај членови на семејствата на четворицата починати генерали, ќе присуствува претседателот на Република Северна Македонија и врховен командант на Армијата, Стево Пендаровски, како и поранешни армиски и полициски генерали и други старешини, вклучувајки и припадници на редовниот и резервниот армиски и полициски состав, учесници во одбраната на Република Македонија во 2001 година.
Бројот на гости, во согласност со протоколите за заштита од ковид 19, ќе биде ограничен.