Украинскиот претседател Володимир Зеленски ги повика светските лидери да реагираат откако се појави видео на кое се гледа како руски војник обезглавува украински војник.
„Сите мора да реагираат. Секој лидер. Не чекајте ова да се заборави“, рече тој во видео обраќањето.
Украинската безбедносна служба СБУ соопшти дека го истражува „военото злосторство“.
Кремљ соопшти дека видеото е „ужасно“, но мора да се провери неговата автентичност, како и кој стои зад него.
Видеото се чини дека е снимено со мобилен телефон, а можеби и во текот на летните месеци. На него е прикажан човек во воена униформа кој носи жолта лента – честопати носена како идентификациски симболи од украинските војници. Насилникот и другите мажи видливи на снимката имаат бели ленти на нозете, кои руските војници се познати дека ги носат како средство за идентификација. Може да се слушне и да зборуваат руски, иако тоа не е дефинитивно бидејќи многу Украинци зборуваат и руски.
За време на краткото видео, жртвата со жолта лента е обезглавена од човек со голем нож кој носи бела лента околу ногата.
Во еден момент, еден од мажите држи штит со тробојната ознака – државниот симбол на Украина – и може да се слушне коментар „Платеници!“ На панцирот има нешто што личи на симболот на „Панишер“ (лик од стрипови), кој во руско-украинскиот конфликт го носат борците од двете страни.
На интернет се шпекулира дека видеото е снимено во близина на градот Кремина во источна Украина.
Би-Би-Си пренесувајќи ја веста за видеото, дополни дека не можеше да ги потврди овие тврдења бидејќи околината во која е направено видеото нуди премалку визуелни индиции за да се идентификува неговата локација, како што се згради или одредени пејзажни точки.
Останува нејасно и кога е снимена снимката. Изгледа како да е од сегашниот конфликт, каде бели и жолти ленти на рацете се користени од спротивставените страни како идентификација.
Листовите на дрјвата во видеото се светло зелени што сугерира дека можеби е од доцна пролет или лето минатата година. Некои корисници на социјалните мрежи сугерираат дека можеби е снимен во јули.
Клипот почна да кружи на Телеграм доцна синоќа, откако еден популарен про-Кремљ блогер го сподели со своите речиси 300.000 следбеници. Тој подоцна тврдеше дека тој не бил оригиналниот извор на видеото и дека снимката била на Телеграм пред тој да ја објави.
Видеото оттогаш се прошири на Твитер.
Портпаролот на Кремљ Дмитриј Песков рече дека „во светот на фалсификатите во кој живееме, треба да ја провериме вистинитоста на оваа снимка“.
Друго видео кое наводно ги прикажува следните случувања по наводното обезглавување, исто така, кружи на социјалните мрежи во последните денови.
Видеото покажува нешто што изгледа како уништено воено возило. Човек кој ја снима сцената вели на руски дека налетало на мина. Најмалку две тела без глави и раце може да се видат како лежат на земја во близина.
На десната рака на едно од телата е видлива жолта лента, што сугерира дека жртвите се бореле на украинската страна. Најмалку уште тројца војници може да се видат како стојат над двете тела.
Многу страшни видеа се објавени на интернет од почетокот на војната.
Минатиот месец претседателот Зеленски вети дека ќе ги пронајде руските војници кои очигледно застрелаа невооружен украински воен затвореник по име Олександар Мациевски. Откако војникот паѓа, се слуша како еден од пукачите го изговара зборот „умри“.
извор: Би-Би-Си