Женската ракометна репрезентација на Македонија ја дели бараж двомеч со Словенија до Светското првенство во Јапонија на крајот на 2019 година. „Црвено-жолтиот“ национален тим ќе биде домаќин во првото соочување на крајот на мај или почетокот на јуни, реваншот ќе биде седум дена подоцна на мегдан на противникот.
Покрај оваа двојка, на денешната ждрепка во Париз беа оформени уште осум. Победниците од нив ќе обезбедат место на планетарниот собир од 30 ноември до 15 декември догодина во Кумамото каде во 1997 година се играше и Светско ракометно првенство во машка конкуренција.
Македонија се пласира во баражот по освоеното прво место на квалификацискиот турнир во Скопје на кој учествуваа и селекциите на Турција, на Исланд и на Азербејџан.
Бараж двојки за женското ракометно СП 2019
Македонија – Словенија
Хрватска – Германија
Данска – Швајцарија
Шведска – Словачка
Белорусија – Норвешка
Србија – Полска
Чешка – Црна Гора
Шпанија – Исланд
Австрија – Унгарија.