Државното јавно обвинителство на чие чело е обвинителот Марко Зврлевски денеска соопшти дека будно ги следи настаните и ќе постапи во сите случаи каде се сторени кривични дела.
„Јавното обвинителство на Република Македонија ја известува јавноста дека будно ги следи настаните. Во текот на вчерашниот ден беа воспоставени и вонредни дежурства. Надлежните јавни обвинители во континуитет се во постојана комуникација со Министерството за внатрешни работи. Се преземаат дејствија за расветлување на настаните и утврдување на фактите. Согласно своите надлежности, Јавното обвинителство ќе постапува во сите случаи каде ќе биде утврдено постоење на елементи на сторено кривично дело и за секој од настаните по документирањето ќе биде донесена соодветна јавнообвинителска одлука“, велат од обвинителството на Зврлевски.