Основното јавно обвинителство за гонење на организиран криминал и корупција соопшти дека постапува во предметот против новинарот Зоран Божиновски кое со Обвинителен акт се товари за сторени кривични дела – Злосторничко здружување, Шпионажа и Уцена.
Од таму објаснуваат дека Основното јавно обвинителство за гонење на организиран криминал и корупција се обрати до Советот на јавните обвинители на Република Македонија со барање Советот да се произнесе по однос на барањето за доставување на предметот поднесено од Јавното обвинителство за гонење на кривични дела поврзани и кои произлегуваат од содржината на незаконското следење на комуникациите.
„Советот на јавните обвинители решавајќи за предметот „Шпион“, во април годинава достави одлука според која надлежно за постапување за предметот „Шпион“ е Основното јавно обвинителство за гонење на организиран криминал и корупција. Одлуката Советот ја достави до Основниот суд – Скопје, Апелациониот суд – Скопје, Основното јавно обвинителство за гонење на организиран криминал и корупција и Јавното обвинителство за гонење на кривични дела поврзани и кои произлегуваат од содржината на незаконското следење на комуникациите.“, сооштија од Јавното обвинителство на Марко Зврлевски.
Обвинетиот Божиновски е дел од предметот „Шпион“ од 2013 година, но истрагата за него беше запрена поради неговата недостапност се до 21.04.2016 година кога истиот е екстрадиран од Република Србија во Република Македонија.
Предметот пред две недели го побара СЈО, но Зврлевски, повикувајќи се на одлуката на Советот на јавни обвинители, не го дава.