Аргентинецот Диего Шварцман беше на прагот на голема сензација на Ролан Гарос. На двапати водеше во сетови против Новак Ѓоковиќ кој на крајот, сепак, ја спречи. Српскиот тенисер славеше со 5:7, 6:3, 3:6, 6:1, 6:1 за опстанок на курсот за одбрана на титулата во Париз. Не само што по мечот не беше разочаран туку уверуваше дека победа во пет сета е секогаш стимулативна за продолжение на настапите.
„При освојување на сите гренслем трофеи сум имал маратонски мечеви во пет сета што ми помогнале да влезам во турнирот. Кога сте фаворит се очекува да победувате во три сета што понекогаш прави да влезете во монотонија и потребен е ваков натпревар за поттик. Сигурен сум дека ќе биде од помош во натамошните мечеви“, изјави вториот носител на Отвореното тениско првенство на Франција кој во осминафиналето ќе игра со Алберт Рамос Винолас.
Ни приближно такви проблеми во третото коло немаше Рафаел Надал, деветкратен освојувач на гренслемот. Шпанецот, во 75 триумф во Париз, загуби само еден гем во трите сета со Николоз Басилшвили (6:0, 6:1, 6:0) и нареден кој му стои на пат во Градот на светлината е неговиот сонародник Роберто Баутиста Агут.
Ролан Гарос – Комплетни резултати од натпреварувачки ден 6
МАЖИ, 3 КОЛО
Надал (4., Шпанија) – Басилашвили (Грузија) 6:0, 6:1, 6:0
Ѓоковиќ (2., Србија) – Шварцман (Аргентина) 5:7, 6:3, 3:6, 6:1, 6:1
Зебалос (Аргентина) – Гофан (10., Белгија) 4:5 (Гофан го предаде мечот)
Рамос Винолас (19., Шпанија) – Пуе (16., Франција) 6:2, 3:6, 5:7, 6:2, 6:1
Карено Буста (20., Шпанија) – Димитров (11., Бугарија) 7:5, 6:3, 6:4
Тим (6., Австрија) – Џонсон (25., САД) 6:1, 7:6, 6:3
Раониќ (5., Канада) – Гарсија Лопез (Шпанија) 6:1, 1:0 (Гарсија Лопез го предаде мечот)
Баутиста Агут (17., Шпанија) – Весели (Чешка) 6:3, 6:4, 6:3
ЖЕНИ, 3 КОЛО
Мугуруза (4., Шпанија) – Путинцева (27., Казахстан) 7:5, 6:2
В. Вилијамс (10., САД) – Мертенс (Белгија) 6:3, 6:1
Младеновиќ (13., Франција) – Роџерс (САД) 7:5, 4:6, 8:6
Кузнецова (8., Русија) – Жанг (32., Кина)
Остапенко (Летонија) – Цуренко (Украина) 6:1, 6:4
Стосур (23., Австралија) – Матек Сандс (САД) 6:2, 6:2
Башински (30., Швајцарија) – Жабер (Тунис) 6:2, 6:2