Претседателот на САД, Доналд Трамп планира програмата ДАКА, која им дозволуваше на околу 800.000 недокументирани мигранти да останат во земјата со обновливи двогодишни периоди за студирање или работа ако дошле во САД пред 16 години, да ја врати во фокусот доколку Конгресот не ја усвои неговата одлука за прекин на програмата воведена од Барак Обама.
„Конгресот има шест месеци да ја помине програмата ДАКА. Ако не можат тие, ќе се вратам на прашањето“, објави Трамп.
Во моментов не се знае иднината на програмата, бидејќи членови на Конгресот опонираат на прекинот кој администрацијата на Трамп сака да го воведе, а Трамп во иднина би можел да ја употреби својата претседателска моќ и самиот да ја прекине.
Откако плановите на американскиот претседател беа објавени во јавноста, се огласи и човекот кој ја воведе програмата – Барак Обама.
„Се работи за политичка одлука. Какви и да се грижите на Американците во однос на миграцијата, не смееме да ја загрозиме иднината на младите луѓе кои не по своја вина можат да завршат без просперитет“, рече Обама.
Администрацијата на Трамп порача дека ќе ги обнови дозволите на сите кои им се потребни во наредните шест месеци, за да му се даде време на Конгресот.
Според проценките, околу 300.000 луѓе се загрозени да го загубат статусот во 2018 година а уште 320.000 до јануари 2019 година.