Германците в недела бираат нов состав на Бундестагот, а анкетите предвидуваат убедлива победа на демохристијанката Ангела Меркел. Сепак, социјалдемократскиот кандидат за канцелар Мајкл Шулц се надева дека фото финишот во кампањата би можел да го промени односот на силите.
Но нема многу простор за креативно толкување, ниту неизвесност, бидејќи сите седум угледни агенции кои го испитуваат јавното мислење ја гледаат Ангела Меркел како победник на изборите со освоени 36-37 отсто од гласовите, додека на Мартин Шулц му предвидуваат фијаско со освоени 22 отсто од гласовите, што би бил најлошиот резултат во историјата.
Она што засега е интересно е само кој ќе биде трет. Во моментов за таа позиција најсериозен кандиат е десничарската Алтернатива за Германија која според анкетите има 11 отсто.
Меркел со четвртата победа која и се навестува ќе влезе во историјата и би можела да се изедначи по должината на мандатот со својот политички „татко“ Хелмут Кол.
Сериозна пречка во текот на нејзиниот трет мандат беше бегалската криза која Алтернативата за Германија се обиде да ја искористи. Но како бегалците престанаа да доаѓаат, така и популарноста на Меркел почна да расте.