Владимир Панчевски, поранешен претседател на Кривичниот суд денеска во интервју за „Алсат М“ негираше дека местел предмети во Кривичниот суд. Тој ги демантираше шпекулациите дека увид во АКМИС системот имал директно од неговиот дом.
https://www.youtube.com/watch?time_continue=12&v=-WiaPh08Rt8
Панчевски, претресот на СЈО го окарактеризира како брутален и надвор од закон. Тој вели дека насилно му одземале насилно два телефони, а врз него била применета и прекумерна сила од страна на полициските службеници кои ги придружувале истражителите на СЈО.
Експретсдателот на Кривичниот суд, вели дека е подготвен и кривично да одговара за снимката од видео надзорот од неговиот дом, за која што вели дека е доказ за незаконското постапување на тимот на СЈО предводен од Катица Јанева.
Тој посочи дека бил најбрутално омаловажен во Кривичниот суд кога го претресувале него лично. Најави кривични пријави за сите инволвирани, во како што вели, незаконското постапување на специјалните обвинители.
Специјалното јавно обвинителство најостро ги демантира обвинувањата на судијата Панчевски дека при претресот на СЈО во неговиот дом истражител му го украл клучот. СЈО со налог издаден од Основниот суд во Гевгелија влезе во домот на Панчевски, а претрес изврши и во неговата работна канцеларија во Кривичниот суд. Панчевски преку медиумите објави и снимка од безбедносната камера во неговиот дом со која тврди дека случила кражбата.
-Ние сакавме овој случај да заврши професионално, тајно, без јавност. Се работи за предистражна постапка. Но, еуфоријата што се појави во јавноста во врска со претресот и самото наметнување од страна на Панчевски на заклучоци како работи СЈО, ја покажува неговата загриженост и незадовослство од тоа дека ние професионално си ја вршиме нашата работа, изјави денеска специјалната јавна обвинителка Катица Јанева, додавајќи дека се знае зошто Специјалното обвинителство влезе во канцеларијата и домот на екс претседателот на Кривичен.