Специјалната јавна обвинителка Катица Јанева, денеска по распитот на лидерот на ВМРО-ДПМНЕ, Никола Груевски во изјава за медиумите рече дека Груевски бил повикан како сведок во предистражна постапка и дека во оваа фаза сите се испитуваат како сведоци.
„Станува збор за финансиска истрага за електрична енергија, за земена провизија. Имаме два разговори кои не се јавно објавени и две лица кои разговараат“, рече Јанева.
Одговарајќи на новинарско прашање за пресудата изречена против едно лице во случајот „Таргет-тврдина“, Јанева рече дека обвинетиот за кого е донесена пресудата не бил од најсериозните обвинети и затоа казната е таква. За првообвинетите Јанева рече „се надевам судот ќе им одмери највисоки казни“.
Пред медиумите изјава ќе даде и Груевски кој во СЈО беше повикан во својство на сведок.