Женската ракометна репрезентација на Германија во голем стил и без многу трошење го започна настапот на 23. Светско првенство на кое е домаќин. Во преполната сала во Лајпциг, домашната селекција го совлада Камерун со 28:15 (полувреме 12:7) во рамки на групата Д во која денешниот ден ги носи дуелите Србија – Кина и Холандија – Јужна Кореја.
Најефикасна германска ракометарка беше Ана Лерпер со пет гола, еден помалку од неа постигнаа Лоне Фишер и Фредерике Губарнатис. Прв стрелец во африканската селекција бепе Ванеса Медибе Џијепму со три погодоци.
Воведното коло на мундијалскиот турнир ќе биде комплетирано денеска. Најголемо внимание меѓу 11 дуели на програмата привлекува пресметката во групата Б во Бисинген меѓу бранителот на титулата, Норвешка и Унгарија (20,30 ч.). Во дербито во А групата во Трир од 18 ч. ќе играат Франција и Словенија додека во Ц конкуренцијата во Олденбург во фокусот е пресметката меѓу Данска и Црна Гора од 20,30 ч.
Ракомет СП 2017 – Германија
Двојки за сабота
Група А
Романија – Парагвај (14 ч.)
Франција – Словенија (18 ч.)
Шпанија – Ангола (20,30 ч.)
Група Б
Чешка – Аргентина (14 ч.)
Шведска – Полска (18 ч.)
Норвешка – Унгарија (20,30 ч.)
Група Ц
Русија – Тунис (14 ч.)
Бразил – Јапонија (17,45 ч.)
Данска – Црна Гора (20,30 ч.)
Група Д
Германија – Камерун 28:15
Србија – Кина (15,30 ч.)
Холандија – Јужна Кореја (18 ч.)