Иранските спасувачки служби дошле до местото каде вчера се урна иранскиот авион пти што настрадаа 66 патници и членови на екипажот.
Иранската телевизија прикажала снимки од спасувачките екипи како пристигнуваат на самото место, кои утрово ја продолжиле потрагата по авионот.
Авионот АТР 72 на Асеман ерлајнс кој летач на релација Техеран Јасуџа се урна во близина на крајната дестинација.
Според авиокомпанијата, авионот исчезнал од радарот околу 45 минути по полетувањето.
Портпаролот на компанијата изјави дека авионот удрил во планината Дена висока околу 4.400 метри.
Стар авион, вратен во функција по седум години
Неколку часа по несреќата, светските медиуми излегоа со анализи за слабата техничка состојба на леталото. Авиокомпанијата Асеман ја отфрли можноста за технички проблем и тврди дека единствена причина за падот е лошото време.
Меѓутоа, локалните медиуми објавија дека неколку авиони, вклучувајќи го и оној што се урнал, имале технички проблеми во текот на изминатите неколку недели.
Сад Ахмед, главен аналитичар во Центарот за стратешки студии на Иран, коментира дека е премногу рано да се исклучи било која верзија.
-Сметам дека времето може да е проблем, но премногу е рано да се шпекулира, изјави тој за Ал Џезира.
На 26 октомври, Асеман ерлајнс објави дека овој авион е вратен во употреба откако седум години не се користел.
Подоцна, компанијата ја брише оваа порака од своите социјални медиумски платформи, но од нејзиниот профил на Инстаграм таа продолжува да се шири.
Авионот направил принудно слетување на 25-ти јануари. Подоцна се вратил на аеродромот во Техеран за технички преглед, каде што проблемот бил отстранет.
-Времето на планините, каде авионот се урнал, било прилично лошо. Се чини дека кога авионот се подготвувал за спуштање кон крајната цел, бил во погрешна позиција и удрил во планините, вели Дејвид Лирмонт, специјалист за воздухопловна безбедност и поранешен пилот.
Според Лирмонт, авионот кој се урна, бил ”многу добро тестиран модел на авион “, но не е погоден за тешкиот терен на Иран.