Европската фудбалска асоцијација воведува нови правила на игра за нокаут фазата во Лигата на шампиони (ЛШ) и Лига Европа (ЛЕ). Почнувајќи од наредната сезона, тренерите ќе имаат право да направат и четврта замена, но само во случај на продолженија, а финалистите ќе може да имаат до 12 резервни играчи што, на пример, е случај во Италија.
Потврдени се и новите термини за двете натпреварувања, па пресметките од септември ќе почнуваат во 18,55 часот (по два меча во вторник и во среда) и во 21 часот (сите останати во вечерта). Средбите во последното коло ќе стартуваат во истовреме.
Дел од новитетите се однесуваат и на зимскиот преоден рок во кој клубовите ќе добијат дозвола за промена до тројца фудбалери без никакви рестрикции. Тоа значи дека еден играч во иднина ќе може да настапи за две екипи во ЛШ во иста сезона. На тој начин се надминуваат ситуаците како моментната во Барселона која во јануари скапо го плати Фелипе Кутињо кој нема право да заигра во пролетниот дел од сезоната бидејќи во есеноска го носеше дресот на Ливерпул.