Јужнокорејскиот претседател Мун Џае-ин и севернокорејскиот лидер Ким Џонг-ун постигнаа историски договор за денуклеаризација на Корејскиот Полуостров и за крај на војната.
Во заедничкото соопштение се наведува дека „нема да има повеќе војна на Корејскиот Полуостров и оти почнува нова ера на мирот“.
– Ајде да ги исполниме очекувањата на луѓето и светот да го направиме подобар. Ветувам дека ќе бидеме се подобри во иднина, посочи Ким.
Во декларацијата се наведува дека Мун и Ким се договориле да почнат да работат на целосна декларација на Корејскиот Полуостров. Според западните медиуми, договорено е Корејскиот Полуостров да се ослободи од нуклеарното оружје, но двајцата лидери не понудиле нови специфични мерки како тоа да се постигне.
Мировниот договор помеѓу Јужна и Северна Кореја треба официјално да биде потпишан до крајот на годината. По завршување на војната во 1953 година помеѓу двете земји беше потпишан само мировен договор, што технички значи дека Северна и Јужна Кореја се уште се во војна.
Деталите за тоа како би била постигната денуклеаризацијата не се објаснети и многу аналитичари остануваат скептични во врска со очигледниот ентузијазам на Северот за ваков ангажман.
По денешните разговори Ким изјави дека двајцата се согласиле тесно да соработуваат за да се осигура дека нема да се повтори “несреќната историја” во регионот.
-Можни се реакции, тешкотии и фрустрации, рече тој, додавајќи дека “победата не може да биде безболна”.
Други точки за кои тие постигнаа согласност се:
-Крај на “непријателски активности” меѓу двете нации
-Промена на демилитаризираната зона (ДМЗ) која ја дели земјата, во “мировна зона” со прекинување на пропагандните пораки
Намалување на оружјето во регионот во очекување на олеснување на воената тензија
-Да се поттикнат тристраните разговори во кои се вклучени САД и Кина
-Организирање на обединување на семејствата кои останаа поделени со војната
-Прекугранично поврзување и модернизирање на железниците и патиштата
-Понатамошно заедничко учество во спортски настани, вклучувајќи ги и овогодинешните Азиски игри
Како се одвиваше самитот
Лидерите на Северна и Јужна Кореја се сретнаа денеска, во придружба на почесната стража во традиционална носија, на јужнокорејската страна. Двајцата пристигнаа во Домот за мир во Панмунџом, воен комплекс во демилитаризираната зона меѓу двете земји.
Ким пристигнал придружуван од девет официјални лица, вклучувајќи ја и неговата моќна и влијателна сестра Ким Јо Јонг
По завршувањето на првата сесија, тие се разделија за ручек и Ким Јонг Ун се врати на северната територија во лимузина покај која многубројното обезбедување трчаше, додека лимузината возеше.
По враќањето во попладневните часови, двајцата учествуваа на церемонијата која се состоеше од садење борови дрвца, на почва и вода од двете земји.
Тука беше потавена и пораката која гласи: “Садење мир и просперитет”.
За подоцна денеска е закажан и примем со вечера.