Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Брат му на Нинџа и телохранител на Груевски сведочеше за 27 април

0
By Соња Петрушевска on December 6, 2018 ПОЛИТИКА
Фото МИА
СПОДЕЛИ
Facebook Twitter LinkedIn Email
Published: Thursday, December 6, 2018 17:13

Благоја Василевски, кој му беше телохранител на екс премиерот Груевски и кој беше со него во Виена на 27 април 2017, денеска сведочеше во Судот.

Тој му е брат на обвинетиот Александар Василевски Нинџа и беше повикан како сведок.

Благоја Василевски рече дека се слушнал со брат му Нинџа попладнето на 27 април, но дека разговарале за мајка им која била болна.

На прашањето, дали разговарале и за други работи, Василевски одговори: ,,За вообичаени работи“.

Според обвинението за 27 април, настаните тој ден започнале по повик од Виена преку телефон во сопственост на владината служба за општи и заеднички работи до Нинџа, по што тој почнал да го организира упадот.

За братот на Василевски немаше други прашања.

Освен неговиот брат и другите сведоци кои ги повика Нинџа меѓу кои и неговиот кум, ја потврдија неговата верзија за настаните од 27 април – дека бил во ресторанот „Дион“, но и дека не давал пари да се купат фантомки.

Кумот потврди и дека го однел Нинџа во штабот на ВМРО ДПМНЕ. Како што сведочеше Василевски Нинџа сите директиви за 27 април доаѓале од штабот во ВМРО ДПМНЕ.

-Раководството на ВМРО и наУБК ги изманипулира обвинетите, повтори неколкупати Василевски.

И адвокатот на Нинџа, Звонко Давидовиќ, по претпладневното сведочење рече дека по одбраната на неговиот клиент станува јасно дека ланецот на командување на МВР на 27 април бил преземен од партиски луѓе.

-МВР останала обезглавена и наместо полициски структури, командувањето на МВР се префрлило на партискиот врв, кој ја презел командата за да заштитат свои интереси, рече Давидовиќ.

Нинџа: Наредбите доаѓаа од штабот на ВМРО ДПМНЕ

Нинџа во сведочењето рече дека дека сите насоки за 27 април доаѓале од штабот на ВМРО ДПМНЕ.

Тој на 27 април влегол во штабот на ВМРО ДПМНЕ околу 18 и 10 како што рече таму бил ,,командно оперативниот штаб“, на ВМРО ДПМНЕ  односно Бришкоска, Спиро Ристовски, Миле Јанакиески, Кирил Божиновски и Митко Чавков кој тогаш е директор на Бирото за јавна безбедност. Тие гледале директен пренос од протестите и како се доближувала толпата кон Собранието, давале насоки.

Бришкоска разговарала со Вељаноски и рекла дека ,,пратениците не си ја завршиле работата и не предизвикале инцидент“. Спиро Ристовски разговарал со водачот на протестите Богдан Илиевски Бетмен, Јанакиески со пратениците во Собранието, а Кирил Божиновски контактирал со општинските комитети на ВМРО ДПМНЕ и г повикувал веднаш да дојдат во Скопје, сведочеше Нинџа.

Тој исто така тврдеше дека програмата за протестите што ги организираше „За заедничка Македонија“ е правеле во штабот на ВМРО ДПМНЕ, а исто така и дека таму ги видел неговите водачи Владо Јовановски, Богдан Илиевски и Борис Дамовски, како излегувале од канцеларија на Кирил Божиновски кого, според Нинџа, го викале,,благајник“.

На прашање на обвинителката Вилма Рускоска, дали ова значи дека водачите земале пари од ВМРО ДПМНЕ затоа што Божиновски беше благајник на партијата, Нинџа кажа дека од Никола Бошковски му било речено дека ,,се исплатувани“.

На прашање на адвокатот на Борис Дамовски дали вистинските водачи на протестите  „За заедничка Македонија“, биле Спиро Ристески и Кирил Божиновски, Нинџа одговори потврдно.

Хард дисковите од Собрание биле уништени и фрлени во Вардар

Според сведочењето на Нинџа тогашниот шефот на УБК Владимир Атанасовски дал наредба да се уништат хард дисковитеод Собранието, рече во денешното сведочење Александар Василевски Нинџа за настаните од 27 април.

Тој кажа дека бил сведок на телефонски разговор во една база на УБК, меѓу Никола Бошковски, тогашен шеф на тајната полиција со директорот на УБК Атанасовски.

По ова Сашо Марковски исто така вработен во УБК, во базата на УБК, ги ставил на преса и ги исекол со ножици. Кога заминале од базата, Василевски бил со Никола Бошковски во близина на населбата Ќерамидница, Бошковски го паркирал возилото и во Вардар ги фрлил ќесите во кои биле искршените парчиња од хард дисковите. Бошковски му рекол на Василевски дека хард дисковите ги одзел Сашо Марковски и користел хируршки ракавици. Василевски рече дека добивал закани од Горан Грујевски да не се предава.

На почетокот од својата одбрана денеска, Нинџа рече дека бил тајно вработен во УБК во одделот за оперативна техника и прикриени операции односно во Петтата управа. Тој рече дека освен Нинџа имал и друг прекар ,,Самурај“ и овој прекар му го дал началникот на Петтата управа Горан Грујевски во 2015 година. Грујевски го ангажирал на почетокот на 2015. кога тогашниот лидер на опозицијата почнал да ги објавува бомбите. „Самурај“ имал задача да ги следи луѓето што ќе му ги посочел Грујевски и лично нему да му реферерира. Василевски имал легитимација од УБК, пиштол марка „магнум“ и радио станица на која можел да ја слуша целата комуникација на сите полицајци низ Македонија, вклучувајќи го и Скопје.

27.април Александар Василевски Нинџа Благоја Василевски ВМРО-ДПМНЕ сведочење УБК
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.