Реал Мадрид и Рома се избламираа во мечевите од последното шесто коло во фазата по групи во Лигата на шампиони. Иако од претходно се осигураа како осминафиналисти во клупската елита на УЕФА, сепак, фаворитите во конкуренцијата Г се луксузираа со сопствениот имиџ и реноме. Особено „кралскиот“ клуб кој загуби на „Сантијаго Бернабеу“ со 0:3 од ЦСКА Москва.
Сантијаго Солари ги остави на клупа Бејл, Крос, Модриќ, Карвахал, Варане, поради повреда не можеше да смета на Каземиро, па шанса даде на играчи кои имаат мала или никаква минутажа како Валјехо и Одриозола во одбраната, Валверде во средниот ред и Жулуис Виничиус во нападот. Тие, пак, се посрамотија и себеси и клубот.
Фјодор Чалов во 37. минута, Георги Шчеников во 43. минута и Арнор Сигурдсон во 73. минута погодија за рускиот претставник чиј триумфот на крајот е пиров со оглед дека и Викторија во Плзен ја совлада Рома со 2:1 и поради подопбриот скор во меѓусебните дуели продолжува во Лига Европа. Ако може да се бара некаква утеха за „армејците“, тогаш тоа е фактот што славеа во двете средби со европскиот првак без примен гол (во Москва во првиот меч победија со 1:0).
Сите три гола во Плзен беа постигнати во второто полувреме. Чешка Викторија триумфира над „волчицата“ со 2:1 со головите на Јан Коварик во 62. минута и на Томас Хори во 72. минута. Во меѓувреме, во 68. минута, Ченгиз Ундер беше стрелец на единствениот гол за гостите од Рим.
Лига на шампиони
Резултати, 6 коло
Група Г
Викторија Плзен – Рома 2:1
Реал Мадрид – ЦСКА Москва 0:3
Табела: Реал Мадрид 12, Рома 9, Викторија Плзен 7, ЦСКА Москва 7.