Интер доживеа тежок удар на амбициите за пласман во Лигата на шампиони за сезоната 2019/20. Калјари славеше над „нероаѕурите“ на Сардинија со 2:1 во првиот меч од 26. рунда во Серија А и во голема мера ги подобри изгледите за опстанок.
Победникот беше решен во последната третина од првото полувреме. Домашните поведоа во 31 минута со голот на Лука Чепители, гостите израмнија преку Лаутаро Мартинез во 38. минута по асистенција на Раџа Најнголан за Калјари, сепак, да замине на одмор со предност за што се погрижи Леонардо Паволети во 43. минута на додавање на Дарио Срна.
Резултатот остана непроменет до крај на средбата, па Калјари направи значајно оддалечување од опасната зона, а Интер остана трет на табелата со 47 бода, два повеќе од Милан и три од Рома. „Росонерите“ попладнево (сабота, 18 ч.) се домаќини на Сасуоло додека „волчицата“ во вечерниот термин (сабота, 20.30 ч.) ќе игра ново градско дерби со Лацио.