Published: Wednesday, May 8, 2019 23:20
Тотенхем и Ливерпул ќе играат во големото финале во Лигата на шампиони на 1 јуни на стадионот „Ванда Метрополитано“ во Мадрид. „Спарси“ во инфаркт завршница во Амстердам го совладаа Ајакс со 3:2 и му возвратија на холандскиот претставник за минималниот пораз на домашен терен во првата средба.
Херој на триумфот на премиерлигашот беше Лукас Моура кој во најголем дел од сезоната не беше стартер, а вечерва ги постигна сите три гола за составот на Маурисио Покетино. Реализацијата за меч за титула ја прослави длабоко во судиското продолжение, поточно во шестата минута, откако во листата на стрелци се запиша и во 55. минута и во 59. минута.
Двата за Ајакс ги постигнаа Матијс де Лигт во петтата минута и Хаким Зијеш во 35. минута.