Американската тинејџерка Кори Гоф има само 15 години меѓутоа успеа да го сврти планетарното внимание од комплексот на терени на „All England Club“ во Лондон. Таа е атракција на првиот натпреварувачки ден на Вимблдон по сензационалниот триумф над нејзината сонародничка Венус Вилијамс со 6:4, 6:4. Згора на тоа е најмлада учесничка во историјата на неофицијалното светско првенство, дополнителен факт за доживотно паметење на дебито во главната ждрепка на гренслем турнирите.
Гоф, која моментно е 313. на ВТА листата, го комплетира подвигот за час и 20 минути игра. Еден брејк ` беше доволен за освојување на првиот сет додека во вториот, во два наврата, одземање гем на сервис на 24 години повозрасната противничка за неверување по последниот поен над нејзината хероина од детството. Кога дојде на свет во март во 2004 година, Венус Вилијамс веќе имаше освоено четири гренслем трофеи, но денеска беше немоќна да спречи рана елиминација на турнирот на кој победуваше пет пати во кариерата.
„Да бидам искрена, не знам што треба да очекувам. За првпат се расплакав по добиен натпревар. Не можам да опишам како ми е. Цело време си велев дека треба да останам мирна. Никогаш досега не сум играла на толку голем терен и морав постојано да се потсетувам дека линиите имаат иста големина како и на терените на кои играв досега“, изјави Гоф, ланска победничка на Ролан Гарос во јуниорска конкуренција, чиј прекар е Коко.
Нејзина наредна противничка на Вимблдон е словачката тенисерка Магдалена Рибарикова која со 6:2, 6:4 во првото коло ја порази Алина Забаленка од Белорусија.
Вимблдон 2019, 1 коло
Жени
Путинцева (Казахстан) – Осака (2., Јапонија) 7:6, 6:2
Ка. Плишкова (3., Чешка) – Жу (Кина) 6:2, 7:6
Халеп (7., Романија) – Саснович (Белорусија) 6:4, 7:5
Свитолина (8., Украина) – Гаврилова (Австралија) 7:5, 6:0
Рибарикова (Словачка) – Забаленка (10., Белорусија) 6:2, 6:4
Севастова (12., Летонија) – Ан (САД) 6:3, 6:4
Возњацки (14., Данска) – Сорибес Тормо (Шпанија) 5:4 / Сорибес Тормо го предаде мечот
Бренгл (САД) – Вондрусова (16., Чешка) 6:4, 6:4
Киз (17., САД) – Кумхум (Тајланд) 6:3, 6:2
Контавеит (20., Естонија) – Роџерс (САД) 6:0, 3:6, 6:4
Жанг (Кина) – Гарсија (23., Франција) 6:4, 6:0
Мартиќ (24., Хрватска) – Брејди (САД) 3:6, 6:3, 6:4
Кенин (27., САД) – Шарма (Австралија) 6:4, 6:2
Хсиех (28., Тајпеј) – Остапенко (Летонија) 6:2, 6:2
Томљановиќ (Австралија) – Касаткина (29., Русија) 6:3, 6:1
Сакари (31., Грција) – Пера (САД) 7:6, 6:3
Гоф (САД) – В. Вилијамс (САД) 6:4, 6:4
Азаренка (Белорусија) – Корне (Франција) 6:4, 6:4
Флипкенс (Белгија) – Јакуповиќ (Словенија) 6:1, 6:3
Викмаер (Белгија) – Петерсон (Шведска) 6:4, 6:3