Женската одбојкарска репрезентација на САД е освојувач на годинашното издание на светската Лига на нации. Американските во финалето во Нанџинг, Кина, славеа над Бразил со 3:2 (по сетови: 20:25, 22:25, 25:15, 25:21, 15;:13). Бронзениот медал го освоија одбојкарките на Турција по триумфот над Кина со 3:1 (по сетови: 25:23, 25:15, 20:25, 25.21).
По финалната средба беа доделени и индивидуалните награди во Лигата на нации. Признанието за најкорисна одбојкарка го понесе Американката Андреа Друс која во походот кон златниот медал забележа 33 поени, а за најдобри блокерки се избрани нејзината сонародничка Дејли Вошингтон и Ана Беатриз од Бразил.
Кинеската Лиу Јанхан и Бразилката Габи добија статуетки за најдобри примачи, најдобар коректор во сезоната е Турчинката Ебрар Каракурт, а најдобар техничар е Маркиз Карнеиро, репрезентативка на Бразил.
Светската одбојкарска Лига на нации во женска конкуренција се игра од минатата година. Американките победија и во нејзиното премиерно издание по победата над Турција, во финалето, со 3:1 по сетови.