Поранешната специјална јавна обвинителка Катица Јанева нема да дава исказ за случајот „Рекет“, односно одлучила да се брани со молчење.
-Јанева ќе го искористи правото да не дава исказ во оваа фаза на постапката, изјави адвокатката Ирена Фрчкоска.
Јанева која во „Рекет“ е осомничена за злоупотреба на службената положба, има рок од уште два дена до Обвинителството да предложи свои докази и сведоци. Фрчкоска вели дека и тоа право ќе го искористат понатаму во постапката.
Во наредните неколку дена се очекува Апелација да одлучи и дали Јанева ќе излезе од притвор, по нејзината жалба на одлуката на Кривичниот суд да и се одбие гаранцијата која ја понуди Јанева за укинување на притворот или за замена со куќен.
Наскоро се очекува и обвинителката Русковска да поднесе обвинение.
На 23 септември Русковска ја затвори истрагата што се води против тројца осомничени – Бојан Јовановски и Зоран Милески, осомничени за тргување со влијание и за перење пари и за Катица Јанева за злоупотреба на службената положба како специјален јавен обвинител.
Јовановски (од 15 јули) и Јанева (од 21 август) се во притвор во затворот Шутка, додека Милевски е во домашен притвор.
Истекува рокот за увид на обвинетите во доказите, „Рекет“ пред обвинение