Пржемислав Франковски и Аркадиуш Милик беа кобни за македонската фудбалска репрезентација во Варшава во квалификациите за Европското првенство во 2020. Во игра влегоа во последната четвртина од натпреварот и со нивните голови во 74. минута и во 80. минута ` донесоа победа на Полска со 2:0 што значи и заверка на пласманот на завршниот турнир во наредното лето. Двете реализација за домашната селекција дојдоа по аситенции на Роберт Левандовски.
„Црвено-жолтите“ одлично се држеа на стадионот „Народови“, но не успеаја да издржат до крај. Одбраната „пукна“ во 74. минута, а играчот за врска на Чикаго Фајр налета на топката со која го послужи напаѓачот на минхенски Баерн и со удар по земја ги крена на нозе гледачите на трибините.
Примениот гол ја наруши концентрација кај македонските играчи што се одрази шест минути подоцна. Не се затвори навреме Аркадиуш Милик во зоната на удар, па напаѓачот на Наполи и колега на Елиф Елмас го искористи просторот и стави печат на трите бода за полска селекција која. Покрај двата постигнати гола, Полјаците во два наврата ги тресеа рамките од голот на Столе Димитриевски.
Во претпоследното, деветто, коло на 16 ноември, македонските фудбалери ќе ` гостуваат на Австрија која вечерва славеше над Словенија во Љубљана со 1:0 и со 16 бода, пет повеќе од С. Македонија и Словенија, е на второто место во групата Г.
Полска – С. Македонија 2:0 (0:0)
Стадион: „Народови“ во Варшава. Гледачи: 58.000. Гл. судија: Антонио Матео Лахоз. Асистенти: По Себријан Девис и Роберто дел Паломар. Ж. картони: Реца, Беднарек, Шимански (Полска); Пандев, Николов, Несторовски, Спировски, Алиоски, Муслиу (С. Македонија). Стрелци: Франковски 74’, Милик 80’ за Полска.
Полска: Шчесни, Реца, Беднарек, Глик, Бережински, Криховјак, Горалски, Гросицки (Франковски 74’), Зиелински (Пјонтек 90’+2’), Шумански (Милик 68’), Левандовски. Селектор: Јержи Бржечек.
С. Македонија: Димитриевски, Ристевски, Муслиу, Ристовски (Радески 81’), Алиоски, Спировски, Николов (Стоилов 88’), Бејтулаи, Елмас, Пандев, Несторовски (Трајковски 74’). Селектор: Игор Ангеловски.
Квалификации за ЕП 2020 во фудбал
Група Ц
Белорусија – Холандија 1:2
Естонија – Германија 0:3
Табела: Холандија 15, Германија 15, Северна Ирска 12, Белорусија 4, Естонија 1.
Група Е
Велс – Хрватска 1:1
Унгарија – Азербејџан 1:0
Табела: Хрватска 14, Унгарија 12, Словачка 10, Велс 8, Азербејџан 1.
Група Г
Полска – С. Македонија 2:0
Словенија – Австрија 0:1
Израел – Летонија (вторник)
Табела: Полска 19, Австрија 16, С. Македонија 11, Словенија 11, Израел 8 (-1), Летонија 0 (-1).
Група И
Шкотска – Сан Марино 6:0
Кипар – Русија 0:5
Казахстан – Белгија 0:2
Табела: Белгија 24, Русија 21, Кипар 10, Шкотска 9, Казахстан 7, Сан Марино 0.