Трагичната смрт на Коби Брајант го растажи светот. Легендарната ѕвезда на Лоса Анџелес Лејкерс загина во хеликоптерска несреќа во местото Калабасас во Калифорнија заедно со пилотот и уште седум лица меѓу кои беше и неговата 13 годишна ќерка Џијана.
Сè уште е непознато дали дошло до дефект во леталото, но засега е познато дека лошото време ја предизвикало несреќата. Имало многу магла што му направила големи проблеми на пилотот. Метеоролози за „Си-Ен-Ен“ потврдија дека видливоста била многу лоша во моментот на падот на хелокоптерот.
„Влажноста на воздухот била 100 отсто што говори дека воздухот бил како супа“, вели Мајк Геј од „Си-Ен-Ен“ во описот на условите на летот.
Американските медуми наведуваат дека хеликоптерот повеќепати кружел и ја менувал висината. Неколкупати кружел и над Зоолошката градина во Лос Анџелес, кога летал прилично ниско во исчекување дека маглата ќе се дигне.
Забележано е дека пилотот околу 09,30 часот по локално време стапиул во контакт со аеродромот „Бурбанк“ додека кружел. Десет минути подоцна тргнал на југ што било кобно бидејќи се движел кон планинско подрачје. Пилотот во еден момент го однел хеликоптерот од 350 метри на височина од 600 метри по што удрил во ридовите над Калабасас.