Британскиот премиер Борис Џонсон откри дека лекарите се подготвувале да го прогласат за мртов во текот на април, откако неговата состојба се влошила додека беше хоспитализиран на интензивна нега поради позитивниот наод на ковид-19 тестот. Тој, исто така, рече дека добил „литри и литри кислород“ за да остане во живот.
„Нема да одречам, беше тежок момент. Бев свесен дека се подготвува план за вонредна состојба. Тие имаа стратегија да одговорат на смртта по „сталинистичко сценарио““, рече Џонсон во интервју за „Сан“.
Џонсон признава дека го погодила реалната состојба во која бил кога бил поврзан со монитор и префрлен на интензивна нега. Британскиот премиер додаде дека резултатите од анализите на крвта „постојано биле во погрешна насока“ и дека сфатил во тоа време дека нема лек за ковид-19.
Џонсон се врати на работа во понеделникот, еден месец откако беше утврдено дека е позитиввен на коронавирусот.