Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Светските медиуми за изборите во Србија: Вучиќ ја зацврсти својата доминација

0
By Нова ТВ on June 22, 2020 СВЕТ
Фото: kurir.rs
СПОДЕЛИ
Facebook Twitter LinkedIn Email
Published: Monday, June 22, 2020 09:50

Претседателот Александар Вучиќ со убедливата победа на својата Српска напредна партија (СНП) на вчера одржаните парламентарни избори го зацврсти своето владеење во земјата. Меѓутоа, сега се соочува со зголемен притисок од Западот за остварување на напредок во преговорите со Косово, пишуваат светските медиуми.

Владеачката конзервативна СНП, предводена од претседателот Александар Вучиќ, според проекциите убедливо победи на парламентарните избори во Србија, наведува „Ројтерс“. На излезноста, како што стои во извештајот на агенцијата, влијаеше бојкотот на некои опозициски партии кои истакнаа дека гласањето не било слободно и фер поради контролата на Вучиќ врз медиумите.

Гласачкото тело изразија голема поддршка на напорите на Вучиќ и влаеачката коалиција за членство на Србија во Европската Унија (ЕУ) додека државата, во исто време, одржува силни врски со Русија и со Кина, пишува „Ројтерс“ и истакнува дека идната влада се соочува со зголемен притисок од ЕУ и САД за официјален Белград да го признае Косово што се смета за клучно прашање за стабилноста на регионот.

Српската напредна партија на Вучиќ со 63 отсто гласови според првичните резултати е во позиција за драстично и драматично да ја зголеми својата цврста доминација во парламентот, пишува агенцијата „Франс прес“, наведувајќи дека дамка на изборите остави бојкотот на делови од опозицијата што го обвинува претседателот за авторитаризам и кои тврдат дека изборите не беа фер и слободни. Сепак, наведува „Франс прес“, и покрај бојкотот и стравот од коронавирусот, излезноста беше помала од вообичаеното, но не и драматично помала – околу 50 отсто.

Вучиќ веќе осум години се обидува да ја консолидира контролата над српската демократија, оценува АФП, додавајќи дека изборите уследија по нов бран на популарноста на Вучиќ, заради одржување на ситуацијата со коронавирусот. Како и да е, посочува агенцијата, набљудувачите велат дека моќта на Вучиќ лежи во неговата манипулација со медиумите, со тоа што неколку медиумски куќи служат како пропагандна машинерија на СНС, додека „Фридом Хаус“ неодамна ја класифицираше Србија како „хибриден режим“.

Од друга страна, додава АФП, српскиот лидер може да смета на поддршката на клучните сојузници на меѓународната сцена – покрај блиските врски со Русија и Кина, тој ја има и поддршката од Западот, кој верува дека може да реши децениски територијален спор со Косово.

Со завршувањето на изборите, српскиот претседател ќе се соочи со притисок да оствари напредок во разговорите со Приштина кои се замрзнати повеќе од една година, проценува АФП и посочува дека во наредната недела Вучиќ ќе има разговори со претставникот на ЕУ за Србија и Косово, најпрво го очекува гостување во Москва, а потоа и во Вашингтон.

Српскиот претседател ја предводеше својата партија до убедлива победа на изборите во земја која е во центарот на борбата за влијание меѓу глобалните сили, пишува „Блумберг“.

Охрабрен од бојкотот на опозициските лидери, додека на излезноста влијаеше и стравот од коронавирусот, изборниот резултат е доволен СНС на Вучиќ да ги менува законите во парламентот без пречки, посочува „Блумберг“ и истакнува дека партијата на Вучиќ има посилно мнозинство во парламентот од владејачките партии ширум Европа, освен во Русија и во Белорусија.

Победата ќе му овозможи на Вучиќ да ја засили својата политичка доминација во земјата, која започна кога тој се претвори од огнен националист во про-европски премиер во 2014 година, додека „Блумберг“ објави дека на владата ќе му се даде нов мандат да се справи со тешките прашања од економското закрепнување по коронавирусот, до санирање на односите со Косово и да се движи по безбеден пат за членство во ЕУ.

Најголемата борба на Вучиќ е поврзана со неговиот обид да ја доведе земјата кон ЕУ, посочува „Блумберг“ и додава дека главна пречка е Косово, бидејќи Брисел бара Србија да ги подобри односите со својот сосед како услов за влез, додека Вучиќ мина години спречувајќи го Косово да добие меѓународно признание што е поддржано и од мнозинството Срби.

Но, притисокот за договорот расте, подвлекува „Блумберг“, во кој извештај се вели дека пратеникот на претседателот на САД, Доналд Трамп, Ричард Гренел, го убедил Вучиќ да се состане со својот косовски колега во Белата куќа на 27 јуни. Пред тоа, тој ќе се состане со претставникот на ЕУ, кој се обидува да ги продолжи преговорите под медијација на Брисел, а потоа ќе оди во Русија на средба со неговиот сојузнРојтерс“ и истакнува дека идната влада се соочува со зголемен притисок од ЕУ и САД за официјален Белград да го признае Косово што се смета за клучно прашање за стабилноста на регионотик Владимир Путин.

Српскиот претседател прогласи убедлива победа на својата десничарска партија на парламентарните избори среде ширењето на коронавирусот и бојкотот на дел од опозиција, посочува „Асошиејтед Прес“. Според АП, Србија ќе има едно собрание практично без опозиција и со само три или четири од вкупно 21 партија колку што учествуваа на изборите.

Изборите во Србија беа први национални избори во Европа за време на пандемија на коронавирус и се одржуваа додека земјата продолжува да пријавува десетици нови случаи секој ден, бидејќи целосно ги олесни целосно рестриктивните мерки.

Иако изборите не беа за претседател, Вучиќ доминираше во кампањата преку мејнстрим медиумите што ги контролира, исмевајќи ги своите критичари, соопшти АП, истакнувајќи дека ги отфрли обвинувањата за злоупотреба на неговите формални церемонијални овластувања како претседател, преземајќи ја предноста во кампањата. Наведувајќи го недостигот на услови за слободно и фер гласање и опасност по јавното здравје, неколку големи опозициски групи го бојкотираа гласањето, иако учествуваа неколку помали партии.

Според АП, Вучиќ, поранешен екстремен националист, кратко време бил министер за информации во владата на Слободан Милошевиќ за време на војните на Балканот. Иако тој рече дека сака членство во ЕУ, критичарите предупредуваат дека демократските слободи се еродирале откако неговата партија дојде на власт во 2012 година, додаде агенцијата, а автократскиот претседател ги повика своите приврзаници да гласаат за да добие силен мандат за мировни преговори со Косово со меѓународна медијација.

Александар Вучиќ избори реакции Светски медиуми СНП Србија
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.