Група мигранти упаднаа во Полска преку границата со Белорусија, пренесува „Спутник“. Бегалците ја оштетиле оградата од бодликава жица на преминот „Брузги“, а полската полиција го документирала настанот со видео запис.
Со извици на бегалците, тие истрчаа кон металната ограда зад се полските безбедносни сили. Според известувачот на белоруското издание на „Спутник“, околу 150-200 мигранти упаднале во Полска. Досега полските безбедносни сили не презеле никакви чекори за да го запрат приливот на бегалци, туку снимаат што се случува.
Западните членки на Советот за безбедност на Обединетите нации во четвртокот ги осудија белоруските акции за време на ескалацијата на мигрантската криза на границата со Полска. Во заедничката изјава тие ја посочија Белорусија дека е виновна што користи мигранти за дестабилизација на источната граница на Европската унија, додека Русија, исто така постојана членка на Советот за безбедност на ОН, ги отфрли овие обвинувања.
Белорусија: Мигрантите се движат кон камп на границата со Полска
Белоруската гранична служба денеска соопшти дека група од околу стотина мигранти се движи кон импровизиран камп на границата со Полска.
Движењето на поголема група бегалци долж државната граница кон импровизираниот камп е забележано денеска околу 11 часот, изјави за ТАСС, портпаролот на комитетот за државната граница на Белорусија, Антон Бихковски.
Европската унија тврди дека Белорусија охрабрува илјадници мигранти да избегаат од конфликтните зони ширум светот и да се обидат да ја преминат границата со земјите од ЕУ. Затоа Брисел му се заканува со санкции на Минск и на авиокомпаниите што превезуваат мигранти.