Силно невреме во Хрватска: Гром усмрти маж кај Шибеник

При удар на гром рано утрово на Јадранско море, кај Гребаштица, смртно настрада 61 годишен маж, потврдија од полицијата во Шибеник.

Полициски извори истакнаа дека утрово во 6:32 часот е примена дојава дека едно лице што се наоѓало во брод на море го удрило гром. Второто лице на возраст од 62 години кое, исто така, било на бродот е превезено на преглед во болницата во Шибеник.